Халқаро агентликлар Қирғизистонга биринчи марта кредит рейтинги беришди. Бу ҳақда мамлакат иқтисодиёт вазирлиги хабар бермоқда.

Айтилишича, республика Moody’s Investors Service ва Standard & Poor’s агентликларидан “В2 барқарор” ва “В” суверен кредит рейтингларини олган. Таъкидлаб ўтиш жоиз, йирик инвесторлар бирор мамлакатга келишдан олдин унинг иқтисодий аҳволини айнан мана шу рейтинглар асосида ўрганиб чиқади.

Рейтингнинг берилишига мамлакатдаги тижорий банклар ва корхоналар таъсир ўтказади. Уларга асосланган ҳолда банклар кредитлаш, суғурталаш, лизинг ва бошқалар бўйича қарорлар қабул қилади.