Ходорковский Нефтеюганск ҳокимини ўлдиришни ташкиллаштиришда айбланди

Жаҳон 11 Декабрь 2015 2249

Россиялик тижоратчи ва мухолифатчи сиёсатчи Михаил Ходорковский Нефтеюганск ҳокими Владимир Петуховни ўлдиришни ташкиллаштиришда, шунингдек, яна икки шахсни ўлдиришга уринишда айбланди. Бу ҳақда Россия тергов қўмитасининг сайти орқали хабар қилинди. Яқин вақт ичида Ходорковский қидирувга берилади.

Айтилишича, ушбу жиноят учун Леонид Невзлин, Алексей Пичугин, Геннадий Цигельник, Евгений Решетников ва Владимир Шапиролар жиноий жавобгарликка тортилган бўлишига қарамай, тергов ҳаракатлари давом эттирилган. Бу иш якунларига кўра бу жиноятларга Ходорковскийнинг алоқадорлиги ҳамда унда “ўта фаол иштирок этгани” аниқланган.

Тергов маълумотларига қараганда, ўша пайти ЮКОС нефть компанияси бошқаруви раиси ва акциядори бўлган Ходорковский ходимлари Невзлин ва Пичугинга Петухов ва Евгений Рибинни ўлдиришни топширган. Рибин Австриянинг East Petroleum Handels компанияси бошқарувчиси бўлган.

Нефтеюганск ҳокими 1998 йилнинг 26 июнида ўлдирилган. Унинг ёнида бўлган Вячеслав Кокошкин омон қолган. Рибиннинг жонига суиқасдлар 1998 йилнинг 24 ноябрь ва 1999 йилнинг 5 март кунлари амалга оширилган. Бу суиқасдлар мобайнида унинг тан соқчиси отиб ташланган, яна икки киши яраланган.

Ходорковский ўзининг бу қотилликлар ва суиқасдларга алоқадорлигини инкор қилмоқда. Шунингдек, тергов қўмитасининг даъватномасини олгач, у тергов ҳаракатларида иштирок этмаслигини маълум қилди.

Кун янгиликлари
Ўзбекистон делегацияси Бишкекда, хорижга чиқиш паспорти дараги, лотин ва кирилл машмашаси ҳамда куннинг бошқа хабарлари
20:40 / 16.08.2017 20697 Жаҳон
Кун.uz офис изламоқда
15:48 / 06.08.2017 38036 Lifestyle
Зидан: Бизни оғир мавсум кутиб турибди, яна «Барса» билан рақобат
09:00 2 Спорт
НАТО шаҳарларда ҳарбий амалиётларни ўтказиш концепциясини ишлаб чиқмоқчи
08:59 18 Жаҳон
Гватемалада жиноятчиларнинг шифохонага ҳужум қилиши оқибатида 7 киши ҳалок бўлди
08:51 77 Жаҳон
Саудия Арабистонида ҳукмрон оиладан бўлган яна бир шаҳзода вафот этди
08:46 892 Жаҳон
Германияда уруш давридаги бомба туфайли 10 мингдан ортиқ киши эвакуация қилинди
08:32 641 Жаҳон
Вальверде: «Реал» ҳам барибир мағлуб бўлади
08:31 1 Спорт
Венесуэладаги турмада юз берган тўқнашувлар оқибатида кўплаб маҳбуслар ҳалок бўлди
08:25 755 Жаҳон
Саудия Арабистони ҳаж вақтига зиёратчилар учун Қатар билан чегарасини очади 
08:16 990 Жаҳон
Кўпроқ янгиликлар