АҚШ Давлат департаменти АҚШ фуқароларига хавфсизлик нуқтаи назаридан Ливанга бормасликни тавсия қилмоқда, деб хабар бермоқда Reuters ахборот агентлиги.

Бундан ташқари, АҚШ ҳукумати Ливанда яшовчи ва ишловчи фуқароларига у ерда бўлиш
хатарларини эътиборлик билан баҳолашни тавсия қилмоқда.

Таъкидланишича, Сурия билан қўшни Ливанда тўсатдан зўравонлик ҳолатлари авж олиши мумкин, маҳаллий ҳукумат эса АҚШ фуқаролари хавфсизлигини таъминлашни кафолатлай олмайди.

Ўтган ҳафтада Ливан шимолида террорчи-худкуш ўз уйини портлатиб юборгани оқибатида 3 киши ҳалок бўлганди.