The Independent нашрининг маълум қилишича, Бэнкси исмли рассом Франциянинг Кале шаҳрида янги граффитисини яратди.

Рассом шаҳарнинг қочқинлар катта лагери жойлашган қисмида жойлашган кўприкнинг ён деворига Apple компаниясининг асосчиси, марҳум Стив Жобсни бир қўли билан бор-бути солинган қопни елкасига опичлаб олган, иккинчи қўлида Apple логотипи туширилган мониторни кўтариб олган суриялик қочқин кўринишидаги қиёфасини чизди.

“Бизга кўпинча миграция мамлакатнинг захираларини камайтираётгани ҳақидаги фикрни уқтиришади, бироқ Стив Жобс суриялик муҳожирларнинг ўғли бўлган. У асос солган Apple дунёнинг энг сердаромад компанияси ҳисобланади, у йилига 7 млрд доллардан кўпроқ солиқ тўлайди ва бу компания АҚШ ҳукумати хомслик бу ёш йигитни мамлакатга қўйгани учунгина мавжуддир”, деб айтмоқда Бэнкси ўзининг янги ишига изоҳ бериб.

Жобснинг биологик отаси суриялик Абдулфаттоҳ Жандалий ҳисобланади. Жобс бошқа оилада вояга етган.