Туркия президенти Ражаб Тойиб Эрдўған Ироқ томонидан БМТга Туркия устидан шикоят хати билан мурожаат қилинишини "ноҳалол қадам" деб баҳолади.

"Улар БМТга шикоят қилишлари мумкин эмас, уларнинг бунга ҳаққи бор лекин бу "эркакча иш" бўлмади", дейди у.

Бироз олдинроқ, Ироқ икки кун ичида БМТга Туркия устидан шикоят аризаси бериши маълум қилинганди.

Ироқ томони туркларнинг 900 кишилик армияси ўз ҳудудига кириб олганига норозилик билдирмоқда.

Расмий Бағдод бунга қарши кескин чиқишлар ва таҳдидлар қилган.

Лекин Эрдўған Туркия ўз ҳарбийларини олиб чиқмаслигини билдирган.

У ҳудудда ўқув машғулотлари олиб борилаётганини таъкидлаган.

"Турк ҳарбийларининг Ироқдан олиб чиқиб кетилиши ҳақида гап бўлиши мумкин эмас", деган у.