12 декабрь оқшомида Париж шаҳрида 2016 йилги Европа чемпионатининг якуний финал босқичига қуръа ташлаш маросими бўлиб ўтди.

Қуръа ташлаш маросимида Рууд Гуллит (Голландия), Биксент Лизаразю (Франция), Оливер Бирхофф (Германия), Ангелос Харистеас (Греция), Антонин Паненка (Чехия), Давид Трезеге (Франция) ва Висенте дель Боске (Испания) каби машҳурлар қатнашишди.

Маросимда 24та терма жамоа олтита гуруҳга бўлинди.


"A" гуруҳи:
1. Франция, 2. Руминия, 3. Албания, 4. Швейцария.

"B" гуруҳи:
1. Англия, 2. Россия, 3. Уэльс, 4. Словакия.

"C" гуруҳи:
1. Германия, 2. Украина, 3. Польша, 4. Шимолий Ирландия.

"D" гуруҳи:
1. Испания, 2. Чехия, 3. Туркия, 4. Хорватия.

"E" гуруҳи:
1. Бельгия, 2. Италия, 3. Ирландия, 4. Швеция.

"F" гуруҳи:
1. Португалия, 2. Исландия, 3. Австрия, 4. Венгрия.

Плей-офф босқичига ҳар бир гуруҳдан биринчи иккита ўринни эгаллаган термалар ва энг яхши натижаларни қайд этган яна тўртта 3-ўрин соҳиблари ҳам йўл олишади.

Қитъа чемпионати бир ой давом этади (10 июнь - 10 июль). Ўйинларни Франциянинг 10та шаҳри қабул қилади: Бордо, Ланс, Лилль, Лион, Марсель, Тулуза, Сент-Этьен, Ницца, Париж ва Сен-Дени.

УЕФА Евро-2016 турнирини ўтказиш орқали 1,95 млрд евро даромад қилади.

Евро-2016 турнири ғолиби 27 млн евро мукофот олади.

Евро-2016 турнирида голни аниқлаш тизимидан фойдаланилиши мумкин.