Шимолий Кореянинг Кэсон шаҳрида Жанубий Корея ва КХДР вице-вазирлари ўртасида юқори даражадаги музокаралар қайта бошланди. Бу ҳақда “Ренхап” агентлиги хабар бермоқда.

Маълум қилишларича иккинчи кун давом этаётган музокаралар Корея ярим оролида икки мамлакат ўртасида мулоқотни жонлантиришдан далолат эканлиги таъкидланган.
Муҳокама этилаётган мавзулар сирасига Корея урушидан сўнг мамлакатнинг икки қисмига тарқалиб кетган оилаларни бирлаштириш кирди.

Бундан ташқари, КХДР 2008 йилда тўхтатиб қўйилган Кимган тоғларига турни жонлантириш масаласига ҳам қизиқиш билан қарамоқда.