Лола Каримова-Тиллаева россиялик марҳум режиссёр Элдар Рязанов хотирасига инстаграммдаги саҳифаси орқали илиқ сўзлар билдирди.

”Мен бу чексиз ҳурмат ва муҳаббатдан иборат постимни ажойиб уста – Элдар Рязановга бағишламоқчиман. Мен у ҳақда айтилган ҳаммага аён бўлган маълумотни яна қайта такрорламоқчи, ўтган ҳафта турли манбаларда кўплаб нусхада тарқатилган бир хил қолипдаги қаторларни ёзмоқчи эмасман. Мен бу ерда фақатгина унинг нодир ва ҳозирда жуда камёб бўлиб бораётган эзгулик фалсафаси, самимийлик ва инсон қалби инсонпарварлигининг чуқурлиги учун миннатдорчилик билдирмоқчиман. Мен шахс бўлиб шаклланаётган пайтимда ўзимга бу фалсафани сингдира олиш бахтига муяссар бўлганимдан миннатдорман ва у биз инсониятга катта маданий мерос сифатида қолдирган асарлари чуқурлигини англай олдим, деб умид қиламан. Менинг гапимда англашилмовчилик йўқ, мен Устага ҳозир, айни дақиқа, айни фурсатда ўзимнинг чексиз ҳурматимни билдираман, чунки инсон руҳи абадий яшайди, деб ишонаман!” деб илиқ сўзлар билдириб ўтди Лола Каримова-Тиллаева кўплаб машҳур фильмлар режиссёри Рязанов хотирасига ҳамда унинг ижодига тегишли шеъридан парча келтирди.

Ё, Тангрим, нафас олиб-чиқаришга улгурмай
Кунлар ўтмоқда чархпалак бўронида.
Ҳаёт – туғилишдан ўлимгача сўқмоқ,
Нотинч, яширин, ёлғиз йўл бироқ.
Тангрим, нафас олиб-чиқаришга улгурмай!

Қор. Ва биз иккимиз қурамиз суҳбат,
Қандай қилиб узоқ қишни енгиш ҳақида.
Уни енгишимиз зарур ва даркор
Баҳорда эшитиш учун чақмоқни такрор.
Тангрим, раҳмат ҳаёт эканимиз учун!

Биз қор ёққанда чиқамиз бирга,
Ва тўртта из қолади бизлардан кейин.
Пойафзалимиздан қолган бу излар
Ортимиздан қолмай, бизни кузатар.
Тангри, мен бўронга хурсандман!

Қани менинг биринчи изларим?
Йўлимнинг боши қор тагида қолди.
Қолганини ҳам бўрон аста тўзғитар,
Раҳмдил тақдирнинг инояти ила...
Тангри, раҳмат кўмагинг учун!