Ўзбекистоннинг лизинг операциялари структурасида қишлоқ хўжалиги техникасини етказиб беришда биринчи ўринга тракторлар чиқди, деб айтди “Ўзқишхўжмашлизинг” акциядорлик лизинг компанияси вакили матбуот-анжуманида.  

Вакилнинг айтишича, 2015 йилнинг 9 ойи мобайнида бу йўналишда трактор ва комбайнлар етакчилик қилди ва уларнинг ҳиссасига қишлоқ хўжалиги техникасининг жами лизинг етказиб беришларидан мос равишда 35-40 фоизи ва 15-20 фоизи тўғри келди. Бу давр мобайнида 932 та трактор сотиб олинди. Улардан энг кўпи Хоразм (85), Наманган (71) ва Самарқанд (71) вилоятларига етказиб берилди.

“Ўзбекистонда кўплаб трактор ва комбайн турлари ишлаб чиқарилиши ўзлаштирилиши билан уларнинг нархи арзонлашди ва бунинг эвазига фермер ва деҳконлар кўпроқ техника сотиб олишмоқда. Ҳозирда имтиёзли шартларда лизингга осон сотиб олиш мумкин бўлган трактор ва мини-техникага талаб катта”, деб айтмоқда вакил.

Техника харид қилишга яна бир сабаб, Ўзбекистонда охирги йилларда боғдорчилик хўжаликлари майдони кескин, яъни 2,8 минг гектардан 55,8 минг гектаргача ошди. Натижада боғдорчи фермерлар ўртасида мини-тракторлар ва бошқа махсус техника турларига талаб ошди.

9 ой мобайнида лизингга умумий қиймати 202,6 млрд сўмни ташкил қиладиган 3,4 мингта техника етказиб берилди. Лизинг компания лизинг асосида 690 та турли русумдаги тракторлар, 132 та шудгорлаш трактори, 30 та боғдорчилик ва транспорт трактори, ғалла йиғувчи комбайнлар ва 2,5 мингга яқин бошқа техника турларини етказиб берди.

2001-2014 йиллар мобайнида компания томонидан 1,4 трлн сўмлик лизинг хизматлари кўрсатилди, 52 мингдан кўпроқ қишлоқ хўжалиги техникаси лизингга берилди.