Бугун, 12 декабрь куни Тожикистонда 5,4 балли зилзила қайд этилди.

Бу ҳақда Қозоғистон Таълим вазирлиги қошидаги зилзилаларни ўрнаниш илмий-тажрибавий тадқиқот қўмитаси томонидан маълум қилинган.

Ҳозирча ушбу ҳодиса оқибатида жабрланганлар ҳақида маълумотлар йўқ. Зилзила маркази Тоғли Бадахшон автоном ҳудудида жойлашгани айтилган.

Эслатиб ўтамиз, 7 декабрь куни Тожикистонда 7,2 балли зилзила содир бўлганди.

7 декабрь кунги зилзила натижасида Тожикистонда 500та уй вайрон бўлган.

8 декабрь куни Тожикистон бир суткада 6та ер силкиниши кузатилди.

10 декабрь куни эса Тожикистонда 4,4 балли зилзила қайд этилди.

Қайд этиш керакки, зилзилалар фаоллашган ҳудудда жойлашган Сарез кўли қаттиқ ер силкинишлари туфайли минтақа учун хавф туғдириши мумкин.

11 декабрь куни Тожикистон бош вазири Сарез кўлининг аҳволи билан танишиши ҳақида хабар берилганди.