Хитойнинг Fosun инвестиция конгломерати Fosun ўз акцияларини сотишни тўхтатди. Бунга ўзининг бошлиғи Го Гуанчаннинг йўқолиб қолганлиги сабаб бўлди. Бу ҳақда Financial Times хабар бермоқда.

Го Гуанчаннинг ғойиб бўлгани ҳақидаги хабарлар 10 декабрь куни, нуфузли молиявий журнал “Цайсинь” берган ва тасдиқланганмаган овозадан сўнг чиқди. Унга кўра, бизнесмен Шанхай аэропортида полиция томонидан ушлаб қолинган. Шундан сўнг, Fosun раҳбарияти қўнғироқларга жавобберишни тўхтатган.

Го Гуанчаннинг ёши 48 да бўлиб, нашрнинг маълум қилишича, у Хитойдаги энг йирик бизнесменлардан бири. Шу боис у коррупция иши билан боғлиқ бирор жинояти учун ҳам полиция қўлига тушгандир. Аммо бу хабарларнинг ҳеч бири расмий тасдиқланмаган.