Эрон келаётган йигирма йил ичида ўзининг нефть-кимё маҳсулотлари ишлаб чиқариш ҳажмини 70 млрд долларга оширишни режалаштирмоқда. Бу ҳақда Теҳронда ўтказилган 12-Эрон нефть-кимё форумидаги чиқиши пайтида мамлакат нефть вазири Бижан Намдар Зангене маълум қилган.

"Бу мақсадни амалга ошириш учун салмоқли инвестиция, замонавий технология ва маркетинг талаб этилади”, - деди вазир.
"Эрон илғор технологияларни кафолатлаш мақсадида жаҳоннинг олий даражали компаниялари билан ҳамкорлик қилади", - қўшимча қилди вазир.