ЖАРдаги қабристонлардан бирида ўтаётган дафн маросими вақтида бир гуруҳ одамларни чақмоқ урди. Бунинг оқибатида олти киши ҳалок бўлди, яна олти киши жароҳат олди. Бу ҳақда SABC телерадиокомпанияси маълум қилган.

Воқеа мамлакатнинг Шарқий Кап вилоятидаги Нкания қишлоғида содир бўлган. "Дафн маросимига келган одамларни чақмоқ урди. Тўрт нафари воқеа жойида ҳалок бўлди, икки нафари эса шифохонада. Олти кишига тиббий ёрдам кўрсатилди, уларнинг саломатлиги яхши”, — деди соғлиқни сақлаш департаменти вакили Сиянда Манана.

Маълумот учун, ЖАРда ҳар йили 100 нафар киши чақмоқ уриши натижасида ҳалок бўлади. Бу маълумот Преторияда ўтган илмий анжуман вақтида бериб ўтилган.