Германия шарқидаги Лейпциг шаҳрида юз берган тўқнашув туфайли 50 нафардан ортиқ полициячи ва намойишчилар жабр чеккан.

Маълум қилинишича, радикал қарашларга эга гуруҳларнинг мингга яқин вакиллари Лейпциг кўчаларига чиқишган. Бу вақтда неофашистларнинг 150 нафар аъзоси шаҳар бўйлаб марш уюштиришган.

Неофашистларга қарши кучлар ва полиция ўртасидаги тўқнашув вақтида намойишчилар тошлар, шиша идишлар ва петардалар улоқтиришган. Полиция эса уларга қарши кўздан ёш сиздирувчи газ қўллаган.

Намойиш тарқатилиб, 20 нафардан ортиқ киши ҳибсга олинган.

Айни вақтда Германияда қочқинларнинг мамлакатга қабул қилиниши фонида ирқчи гуруҳларнинг фаоллашгани қайд этилган.

Германиялик сиёсатчилар мамлакат ҳудудида қочқинлар миқдори ортиши уларга нисбатан нафратона кайфиятнинг ўсиши ва бу нафрат қочқинларни қабул қилиш марказларига уюштириладиган ҳужумларни келтириб чиқариши мумкин.