АҚШ, Канада ва Франция геофизиклари Ерда сутканинг давомийлиги ошиб бораётганини маълум қилишмоқда.
Олимлар ўз тадқиқотлари натижаларини Science Advances журналида чоп этишди, у ҳақда қисқача The Guardian сайтида маълум қилинди.
Геофизиклар томонидан ўтказилган ҳисоб-китобларнинг кўрсатишича, 21-аср давомида ердаги сутка кунига 5 миллисекунддан ортиб боради, Ер айланиш ўқи эса шимолий қутбдан яқин юз йил ичида 1 см га силжийди.

Олимлар Ердаги музликлар эриши суръатларини таҳлил қилиб бундай фикрга келдилар. Бу шимолий минтақалардаги (хусусан, Гренландиядаги) материянинг экватор томон қайта тақсимланишига олиб келиши керак, бунинг натижасида сайёрамизнинг ўз ўқи атрофида айланиши секинлашади.

Геофизиклар 2002 йилда океаншунос Вальтер Манк томонидан ўтказилган глобал иссиқлик оқибатида музликлар эришининг Ер айланиши ва унинг оғиш ўқига таъсирига бағишланган тадқиқотини аниқлаштириб ўтишди.

Манк бундай таъсирни аниқламаган, бироқ геофизиклар бу 20-аср давомида денгиз сатҳи кўтарилишининг нотўғри баҳоланиши (2 мм ўрнига 1-1,5 мм деб ҳисобланган) сабабли юзага келганини аниқлашди.