“Ўзтемирйўлйўловчи” акционерлик жамияти 10 декабрь куни мамлакатимизда фаолият кўрсатаётган сайёҳлик бизнеси вакиллари билан бўлиб ўтган учрашувда темир йўл хизматларини кўрсатиш соҳасидаги ривожланиш истиқболларини намойиш қилди. Бу ҳақда “Ўзбектуризм” АЖ ахборот хизмати хабар қилди.

Компания вакиллари 2016 йилда янги “Афросиёб” поездлари ҳисобига тезюрар поездлар арсеналининг кенгайтирилиши, соҳага чипталарига он-лайн буюртма бериш ва уларни сотиб олиш, хорижлик меҳмонларга “яшил коридор”ларнинг тақдим этилиши ва бошқалар тўғрисида маълумотлар бериб ўтишди.

Учрашув жараёнида мавжуд айрим камчиликларнинг бартараф этилиши мамлакатимизнинг сайёҳлик имиджига ижобий таъсир этиши ва темир йўллардан фойдаланувчи йўловчилар сонининг ортишига хизмат қилиши таъкидлаб ўтилди.