13 декабрь куни Покистоннинг Парачинар шаҳридаги бозорда содир этилган теракт учун жавобгарликни «Лашкар-э-жангви» гуруҳи ўз зиммасига олди.

Рейтер агентлиги хабарига кўра, "Ал-Қоида" таъсиридаги бу гуруҳ бундан олдин ҳам Покистондаги шиаларга қарши бир неча марта терактлар содир этганди.

Манбанинг ёзишича, ушбу теракт туфайли ҳалок бўлганлар сони 24 нафарни ташкил қилмоқда.

Эслатиб ўтамиз, 13 декабрь куни шаҳарга кириш жойидаги назорат пункти олдида, қишки кийимлар сотилаётган савдо расталари яқинида содир этилди. Гувоҳларнинг кўзларига кўра, мазкур қўпорувчилик ҳаракати икки киши томонидан содир этилган. Улар жиноят жойидан яширинишга уринган вақтида маҳаллий аҳоли томонидан қўлга олиниб, ҳукуматга топширилган.

Дастлабки хабарларда қурбонлар сони 23, жароҳатланганлар 47 нафар, дея келтирилган эди.

Нашрнинг ёзишича, бомбаларни зарарсизлантириш бўйича гуруҳ раҳбари берган маълумотларга кўра, қурилмада 35-40 килограмм портловчи моддалар бўлган.