Туриннинг “Ювентус” клуби бош мураббийи Массимилиано Аллегри А сериянинг 16 тури доирасида "Фиорентина"га (3:1) қарши кечган учрашувдан сўнг ўз фикрларини билдириб ўтди.

“Бизнинг футболчилар ўз спорт формаларини анча яхшилаб олишди. Рождествога қадар яна иккита ўйин ўтказамиз (бири Италия Кубоги доирасид 16 декабрь куни "Торино"га қарши, иккинчиси А Сериянинг 17 турида, 20 декабрь куни "Карпи" билан - кун.уз изоҳи). Биз етакчилардан жиддий ортда қолаётгандик ва танаффусга қадар уларга янада яқинлашиб олиш зарур.

Айни дамда жамоа яхши ўйнаяпти, аммо, ҳали тўпни назорат қилиш ҳамда тўпни оширишда хатоларни камайтириш устида ишланиши керак.

А Серияда кетма-кет олтита ғалабага эришиб, кучли тўртликка кириб олиш осон бўлмади. Октябрь ойида қайси ўринда бўлганимизни эсласак, қандай катта фарқни қисқартиришга эришганимизни англаса бўлади.

“Интер” ҳамон фаворит, лекин олдинда ҳали ўйинлар кўп ва мақсадимизга аста-секинлик билан яқинлашиб борамиз“, – деди Аллегри.