“Ливерпуль” Англия чемпионатининг 16-турида ўз майдонида “Вест Бромвич” билан дуранг натижа қайд қилди. Учрашув 2:2 ҳисобида якунланди. Мерсисайдликлар учрашувнинг 21-дақиқасида Жордан Хендерсон голи эвазига ҳисобда олдинга чиқиб олишди, бироқ меҳмонлар Крэйг Доусоннинг голи эвазига 1-бўлимнинг ўзида ҳисобни тенглаштиришди. 2-бўлимда Юнас Ольссон “Вест Бромвич” учун 2-тўпни урди, бироқ учрашувга қўшиб берилган қўшимча вақтнинг 6-дақиқасида Дивок Оригининг тўпи эвазига ливерпулликлар мағлубиятдан қочишга муваффақ бўлишди.

Англия Премьер-лигаси. 16- тур

Ливерпуль – Вест Бромвич Альбион – 2:2
Голлар: Хендерсон, 21 (1:0); Доусон, 30 (1:1); Ольссон, 73 (1:2); Ориги, 90+6 (2:2).

Турнинг яна бир учрашувида “Тоттенхэм” ўз майдонида “Ньюкасл”га 1:2 ҳисобида имкониятни бой берди. Лондонликлар сафида тўпни Дайер (39-дақ.), меҳмонлар сафида эса Митрович (74-дақ.) ва Перес (93-дақ.) киритдилар.

Тоттенхэм Хотспур – Ньюкасл Юнайтед – 1:2
Голлар: Дайер, 39 (1:0); Митрович, 74 (1:1); Перес, 90+3 (1:2).