Буюк Британия БМТ Хавфсизлик кенгашининг Ливияда бирдамлик ҳукуматини яратиш келишувини қўллаб-қувватловчи резолюциясини қабул қилиш ташаббуси билан чиқди, деб хабар бермоқда Россия ташқи ишлар вазири ўринбосари Геннадий Гатилов баёнотига иқтибос келтирган ҳолда РИА “Новости” ахборот агентлиги.

“Инглизлар 16 декабрда бу келишувларни қўллаб-қувватловчи Ливияаро келишув имзолангандан кейин Хавфсизлик кенгаши резолюцияси қабул қилиниши ва ливияликларга уни амалга оширишда ёрдам бериш зарурлиги ташаббуси билан чиқишди. Бу, уларнинг айтишича, фақатгина бу мақсадларга қаратилган қисқа резолюция бўлиши керак”, деб айтди Гатилов.

Гатиловнинг айтишича, резолюция лойиҳаси “яқин кунларда Хавфсизлик кенгаши аъзолари ўртасида тарқатилади ва кутилишича, маъқулланишда мураккабликларга учрамайди”.

Аввалроқ Римда Ливия бўйича музокараларда иштирок этаётган ғарб давлатлари Ливиядаги ихтилоф иштирокчиларини ўт очишни тўхтатиш ва ярашишга чақиргандилар.