Туркия Россия билан муносабатларни нормаллаштиришга қарши эмас, бироқ у бўлиб ўтган ишлар юзасидан узр сўраш ва ёки компенсация тўлаш ниятида ҳам эмас.

Ушбу фикрни Туркия бош вазири Аҳмад Довудўғли A Haber телеканалида чиқиши пайтида айтиб ўтган.

"Биз бошиданоқ очиқ сиёсат юритдик ва ҳар қандай музокарада шундайлигимизча қоламиз. Бу воқеа (Су-24) шунинг учун содир бўлдики, бегона ҳарбий самолёт бизнинг ҳаво ҳудудимизни кесиб ўтди, - деб таъкидлади у. – Унга қарши чоралар чегараларимиз хавфсизлигини таъминлаш мкақсадида қилинди. Бу бошқа мамлакатга қарши қаратилган акция эмас. Бу борада музокарани узр сўраш ва компенсация билан боғламай бошлаш зарур”.

Россия газини мамлакатга олиб келиш борасида туғилган муаммолар ҳақида Довудўғли “айни дамда газ масаласида ҳеч қандай муаммо йўқ”лигини таъкидлаб ўтган.