Дунёда деярли 500 экстремистик террорчи ташкилотлар мавжуд бўлиб, уларнинг 80 фоизи ислом дини ниқоби остида ҳаракат қилади. Бу ҳақда СамДУнинг Ўзбекистонда демократик жамият қуриш назарияси ва амалиёти кафедраси ўқитувчиси Шерахон Ҳошимов маълумот берди.

“Биринчи марта Ўзбекистонда тақиқланган “Ислом давлати” ўзини 2006 йили Ироқда билдирди, ўшанда у “ал-Қоида” гуруҳи бошчилик қиладиган Ироқ ислом давлатини эълон қилди. Ўшанда жаҳон разведкаларининг фақат айрим таҳлилчилари келажакдаги муаммоларнинг миқёсини тасаввур қила олар эди. Қолган учун воқеалар кутилмаганда бошланиб кетди”, - дейди мутахассис.

2013 йил апрелида ушбу “давлат” Суриядаги фуқаролик урушига аралашди ва ўшандан буён ўзини “Ироқ ва Шом ислом давлати” (ИШИД) деб атай бошлади.

“ИШИД тарғиботчилари Ғарбнинг коммуникацион технологияларидан муваффақият билан фойдаланиб келади. Улар ҳарбий операциялар, оммавий қатллар видеороликларини жойлаштириб, саросима келтириб чиқаришади. Бундай пиар энг шафқатсиз ва энг самарадор деб тан олинади”, - қўшимча қилди Ҳошимов.