Торонтога етиб келган қочқинларга Канада ҳақида дарсликлар етказилади, шунингдек, юзага келиши мумкин бўлган асосий масала ва қийинчиликлар бўйича маслаҳатлар берилади. Бу ҳақда The Globe and Mail нашри ёзмоқда.

Айтилишича, инструктажлар Humanity First номли маҳаллий хайрия жамияти томонидан молиялаштирилмоқда. Охирги 4 йил мобайнида ташкилот Канадага 1 200 қочқин кўчиб келишига ёрдам берган.

Консультациялар чоғида муҳожирлар ширин кулчалар ва пицца билан меҳмон қилинади, шундан сўнг уларга тиббий суғурта ва ҳайдаш рухсатномаси, банк ҳисоблари очиш, Канада валютаси сингари масалаларда маълумот берилади.