АҚШнинг Калифорния штати, Фресно шаҳридаги ташландиқ эски уйда ёнғин келиб чиқиши натижасида беш нафар одам ҳалок бўлди. Бу ҳақда Associated Press хабар тарқатди.

Қайд қилинишича, воқеа натижасида қурбон бўлган уйсиз одамлар бўлмаган. Улар ташландиқ уйга шахсий муаммоларини ҳал қилиб олиш учун келишган бўлган.

«Уларнинг уйлари бўлган. Ҳар биримизда қийин вақтлар бўлади. Лекин бундай вазиятдан қандай чиқиб кетишни ҳар ким ҳам билавермайди», — дейди ҳалок бўлганлардан бирининг қариндоши.

Ёнғин ўчирувчилар ётоқхонадан жасадларни топишган. Уларнинг маълумотига кўра, вафот этганлар ойна орқали чиқиб кетишга уриниб кўришган. Дастлабки маълумотларга кўра, ўлимда ўпкада ортиқча миқдорда тутун йиғилиши сабаб бўлган.

Хабар қилинишича, ёнғин натижасида бир киши жароҳат олган. Ҳозирда унинг аҳволи ҳам оғир экани айтилмоқда.