Россия ва Туркия ўртасидаги муносабатлар қайта тикланиши мумкин. бунинг учун Анқара учта шартни амалга ошириши лозим. Бу ҳақда Туркиядаги Россия элчиси Андрей Карлов маълумотига асосланиб, Hürriyet Daily News хабар бермоқда.

Карловнинг сўзларига кўра, биринчи шарт — Туркия ҳукумати Россиядан Су-24 бомбардимончисининг уриб туширилиши юзасидан узр сўраши керак. Иккинчи шарт — бу воқеа айбдорини топиш ва жазолаш. Учинчи шарт — Туркия йўқ қилинган самолётнинг товон пулини тўлаб бериши керак.

“Туркия муносабатларни йўлга қўйиш ҳақида гапиради, аммо ўзи бу ёндашувга зид баёнотлар беради”, — деди дипломат.

Карловнинг маълум қилишича, уриб туширилган Су-24 капитани Туркия фуқароси Альпарслон Челик томонидан отилган.

“У эълон қилиш учун камера қаршсига келиб, парашют бўлагини кўрсатганча, турк тилида эркин гапирган”, — деб қўшимча қилди дипломат.