Сурияда Эрон корпусининг бригада генерали Ҳусайн Фадаий ўлдирилди. FARS агентлиги берган маълумотига кўра, “Фатамиюн” бригадасининг собиқ қўмондони Сурияда Зулфиқор лақаби остида фаолият юритиб келган.

Жорий йилнинг октябрь ойида Сурияда уч нафар эронлик генерал ўлдирилди. 12 октябрь куни генерал-майор Фаршад Хасунизода ва бригада генерали Хамид Мохтарбанданинг ўлдирилгани ҳақида хабар берилган эди.

Бундан бир неча кун муқаддам эса Ҳалаб шаҳри яқинида Сурия президенти Башар Асаднинг қўшинларига ИШИДга қарши операциялар олиб боришга юборилган генерал Ҳусайн Ҳамадонийнинг жонига қасд қилинган эди.