Тожикистон мудофаа вазирининг собиқ ўринбосари полковник Абдухалим Назарзоданинг исёни Тожикистон ислом уйғониш партияси томонидан молиялаштирилган. Бу ҳақда мамлакат ички ишлар вазири Рамазон Раҳимзода душанба куни Тоғли Бадахшон мухтор вилояти Роштқалъа тумани аҳолиси билан учрашув чоғида маълум қилди.

Идора матбуот хизматининг хабар беришича, террорчиларни зарарсизлантириш бўйича 10-12 давомида олиб борилган операцияларда маҳаллий аҳоли катта ёрдам берган.

Вазир, шунингдек, ёш тожикистонликлар чет элдаги радикал ҳаракатлар сафларига қўшилаётганидан безовталигини билдириб ўтган. Унинг таъкидлашича, айни пайтда республика фуқароларидан 600дан ортиғи чет эллардаги ҳарбий ҳаракатларда иштирок этмоқда. Унга қадар 50 нафари тушунтириш ишлари ўтказилганидан сўнг ўз ихтиёри билан республикага қайтган.

“Биз йўлдан адашган ёшларни тўғри йўлга бошлашга интилмоқдамиз”, - ъулоса қилди Раҳимзода.