Туркия бош вазири Аҳмад Довудўғлининг маълум қилишича, Анқара Ироқ ҳудудидаги ҳарбийларини қолдиришни режалаштирмоқда. Бу ҳақда вазирнинг телеинтервьюсига асосланган ҳолда, РИА Новости хабар берган.

"Биз Башика лагерига ҳужум қилинмаслиги чораларини кўрамиз. Туркия аскарлари бу базада қолади. Биз бу лагер ҳимояси учун қўшимча кучлар жўнатишимиз ҳам мумкин. Бизнинг аскарларимиз ҳарбий тўқнашувларда иштирок этишмайди, уларнинг вазифаси ироқликларни жангариларга қарши жангларга тайёрлаш ҳисобланади. Бунинг қонунийлиги масаласи муҳокама қилинмайди", дея таъкидлаган Довудўғли.

Бундан олдинроқ, Ироқнинг шимолидаги Мосул шаҳрига яқин ҳудудга жойлаштирилган Туркия ҳарбийларининг бир қисми бошқа жойга кўчирилиши бошлангани ҳақида маълумот берилганди.