Хитойнинг Юньнань вилоятида портлаш содир бўлиши натижасида 21 киши ҳаётдан бевақт кўз юмди. Бу ҳақда "Синьхуа" агентлиги хабар тарқатган.

Полиция берган маълумотга кўра, Куньмин шаҳридаги кафеда газ баллони портлаган.

Кафе биноси жиддий шикастланган, деворлар ўпирилган ҳамда деразалар тўкилиб тушган.

Воқеа жойига тез тиббий ёрдам хизмати ходимлари ва ҳуқуқ тартибот идоралари вакиллари етиб келишган.

Дастлабки маълумотларда, портлашга хавфсизлик техникаси қоидаларига амал қилинмагани сабаб бўлгани ҳақида айтилган.

13 декабрь куни ҳам Бельгиянинг Вервье шаҳрида шунга ўхшаш сабаб туфайли кафеда портлаш юз бергач 14 киши шифохонага ётқизилганди. 31 октябрь куни эса Хитойнинг Хэньань вилоятидаги уйда газ портлаши сабабли 17 киши ҳалок бўлганди.