Тольяттининг “АвтоВАЗ” биринчи серияли Ladа Xray автомобилини ишлаб чиқарди.
“Ишончим комил, ушбу модель нафақат Россияда, чет элда ҳам сотилади.

Бугун қийин замон: 10 ой ичида мамлакат автобозоридаги харид ҳажми 34 фоизга тушиб кетди, шу боис янги моделлар чиқариш жуда муҳим, зеро бу одамларда ишонч уйғотади”, - деди Самара вилояти ҳокими Николай Меркушкин янги моделни ишлаб чиқаришни бошлаш маросимида.

Ишлаб чиқарилган биринчи серияли автомобиль 1.6 л ли мотор билан таъминланган. Кейинчалик машинага роботлашган ўтказмалар қутиси ўрнатилиши кутилмоқда.
“АвтоВАЗ” кунига 50та машина ишлаб чиқаришни режалаштирмоқда. Сотувлар 2016 йил февралидан бошланади.