2015 йилнинг 11 ойи давомида Европа Иттифоқининг ташқи чегараларини 1,55 миллион атрофидаги ноқонуний муҳожирлар кесиб ўтган. Бу ҳақда ЕИ чегараларини назорат қилиш агентлигига асосланиб, Frontex нашри хабар берган.

Қайд этилишича, 2015 йилнинг ноябрь ойидаёқ ЕИ чегараларини 269 минг киши ноқонуний тарзда кесиб ўтган. 2014 йилнинг 12 ойи давомида эса бу кўрсаткич 283 минг нафарни ташкил қилганди.

Агентлик хабарида айтилишича, чегараларнинг бузиб ўтилиши ҳолатларига оид барча жиҳатлар ўрганиб чиқилмоқда. Қайд этилишича, муҳожирлар Греция йўналишидан ташқари, Венгрия ва Хорватия орқали ҳам ЕИ ҳудудларига кириб келмоқда.

Бундан олдинроқ, ЕИ чегараларини назорат қилиш фонди Польша чегараларининг бузиб ўтилиш ҳолатларини аниқлашда дронлардан фойдаланишни йўлга қўйиш учун 25 млн евро ажратилишини маълум қилганди.