Америкалик рассом Люк МакГарри чизган суратида якунланаётган 2015 йилда АҚШ ва жаҳонда рўй берган асосий воқеаларни ифодалашга ҳаракат қилди. У ўз суратида асосан оммавий маданиятга оид воқеаларни жамлаган. Лекин суратда Париж воқелари ҳамда Ампквадаги отишмага оид ифодалар ҳам бор.

Бу иллюстрация унинг имзоси билан Beutler Inc. сайтига жойлаштирилган. Унда йилнинг 143 воқеаси ҳақида маълумот олиш мумкин.

Картинада йил давомида эфирга чиққан фильмлардан лавҳалар ("Юлдузлар жанги", "Телба Макс") ҳамда мусиқа оламидаги ҳодисалар ( N.W.A. Straight Outta Compton хип-хоп гуруҳи чиқишлари) тасвирларини кўриш мумкин.

Рассом шунингдек, АҚШ президентлиги учун пойга жараёни, интернет-мемлар, спортга оид воқеаларни чизган.