Исроил томонидан Фаластиннинг эгаллаб олинган ҳудудларидан амалга оширилиши давом этаётган зўравонлик сиёсати жаҳон ҳамжамиятини жиддий ташвишга солмоқда. Бу ҳақда БМТнинг инсон ҳуқуқлари бўйича олий комиссари бошқармаси баёнот беради.

“Биз илгаригидай эгаллаб олинган Фаластин ҳудудларида Исроил томонидан ўтказилаётган зўравонликдан жиддий хавотирдамиз, - деди ташкилотнинг расмий вакили Сесиль Пуйи Женевада ўтказилган брифинг чоғида. – Бу сафарги эскалация даврида, октябрь бошидан бери 21 исроиллик ва 117 фаластинлик ҳалок бўлди, минглаб одамлар яраланди”.

“Инқирозга нисбатан халқаро диққат бироз заифлашганига қарамай, қотилликлар, яралашлар ва ҳибсга олишлар давом этмоқда. Ҳар куни ўртача бир киши ҳалок бўлмоқда”, - қўшимча қилди мутахассис.