Италиялик балиқчи 120 кг оғирликдаги улкан балиқ тутиб олди

Жамият 15 Декабрь 2015 8412

Италиялик балиқчи Юри Грисенди По кўлида улкан лаққа (сом) балиқ тутиб олди, дея хабар беради The Daily Mail.

Манбанинг ёзишича, овчи улкан балиқни Мантуя шаҳридан (Ломбардия вилояти ) узоқ бўлмаган ҳудудда тутган. Унинг оғирлиги 265 инглиз фунтига тенг. Бу тахминан 120 килограмм дегани.

38 ёшли эркакнинг айтишича, у шу кунга қадар умрида бу қадар катта балиққа дуч келмаган.

«Мен 20 йилдан ортиқроқ вақтдан буён балиқчилик билан шуғулланиб келаман, аммо шу кунгача бунақа лаққани кўрмагандим. Шубҳасиз, бу мен шу кунгача тутган энг катта балиқ», — дея таъкидлаган овчи.

Лаққани сувдан олиб чиқиш учун Грисенди бир соатдан кўпроқ вақт сарфлаган, дея аниқлик киритади The Mirror нашри.

«Албатта у етарли даражада оғир эди. Уни сувдан чиқариб олиш учун кўп куч ва чидам керак эди. Лекин у шунга арзирди ҳам», — дея қўшимча қилади италиялик балиқчи.

2014 йилда АҚШнинг Луизиана штатидаги Миссисипи кўлидан 12 ёшли болакай 51 килограмм оғирликдаги лаққани тутиб олганди. Лоусон Бойтнинг ота-онаси берган маълумотга кўра, ўшанда уларнинг фарзанди 2005 йилда овчи Кит Дэй томонидан тутилган 49,9 килограммлик лаққанинг рекордини янгилаганди.

2013 йилнинг июлида эса Беларусь президенти Припять кўлидан (Гомель вилояти) учта лаққа тутиб олгани ва улардан бири 57 килограмм келишини айтганди.

Маълумот ўрнида таъкидлаб ўти жоиз, лаққанинг (сом) узунлиги беш метргача етиши мумкин. Бундай турдаги балиқларнинг вазни тахминан 400 килограммгача бўлиши мумкин.

Кун янгиликлари
Банкдаги конвертация машмашаси: «Рўйхатда йўқлар»га хизмат йўқми?
16:50 / 22.08.2017 50914 Ўзбекистон
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 66847 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 35674 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 20454 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 77657 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 60951 Жамият
Германия олтин захирасининг катта қисмини қайтариб олди
21:01 32 Жаҳон
Ўзбекистонда энергия тежовчи миллий компания тузилди
Таиландга қизларни юбориш билан шуғулланган самарқандлик “одамфуруш” аёл ушланди 
20:55 260 Жамият
Ҳукумат ўқитувчи ва шифокорларни пахта теримига жалб этишни тақиқлади
Кўпроқ янгиликлар