Британлар Британиянинг Европа Иттифоқидаги аъзолиги тақдирини 2017 йил сўнгига қадар ўтказиладиган референдумда ҳал қилади, дея хабар қилди мамлакат бош вазири Дэвид Кэмерон ўз твиттерида.

“Сайловчилар 2017 йил охирига қадар (ЕИдан) чиқиш ёки қолишни танлашади”, - дея ёзди ҳукумат раҳбари.
Бундан аввалроқ Кэмерон Британиянинг ЕИдаги аъзолигини кўриб чиқиш учун барча шартларни бажаришини қатъий таъкидлагани хабар қилинган эди.

Еврокенгаш раиси Дональд Туск эса Британиянинг ЕИ таркибида қолиши Европа кенгашининг асосий сиёсий мақсади эканини маълум қилган эди.