Ғузорнинг "Шўртан" клуби бош мураббийи Мухтор Қурбонов янги мавсум олдидан жамоадаги муаммолар ҳақида гапириб ўтди. Бу ҳақда championat.asia сайти хабар берди.

"Ҳозирча "Шўртан"дан кетганим йўқ. Лекин жамоада қилиниши керак бўлган масалалар бор. Август ойидан буён футболчиларга иш ҳақлари берилгани йўқ. Шу боис янги йилга қадар ўтказишимиз керак бўлган дастлабки йиғинни ўтказа олишимиз гумон. Янги футболчиларни таклиф қилиш борасида ҳам иккиланиб турибман. Шу кунларда раҳбарият билан учрашаман. Умид қиламанки, вазият ижобий томонга ўзгаради. Тезроқ йиғинни бошлашимиз керак. Янги қайтараман: ҳозирча клубдан кетганим йўқ", - дейди Мухтор Қурбонов.

Маълумот учун, "Шўртан" клуби 2015 йилги мавсумда Ўзбекистон чемпионатини 11-ўринда тугатди.