Қозоғистон Республикаси президенти Нурсултон Назарбоев мамлакат мустақиллигига бағишлаб ўтказилган тантанали маросимда мамлакат чорак аср вақт ичида нуфузли давлатга айланганини айтиб ўтди. Бу ҳақда “Казинформ” хабар берган.

“Халқ орасида 50 йил ичида ҳаётда барча нарса ўзгаради деган гап юради. Биз эса 24 йил ичида бутун дунё тан олган нуфузли мамлакатга айландик. Биз чорак аср вақт ичида жуда катта тарихий йўлни босиб ўтдик. Бу йўлда бизга аждодларимизнинг руҳи ва меҳнатсевар қозоғистонликларнинг ёш авлоди илҳом бағишлади, — деди Назарбоев.

Президентнинг таъкидлашича, бу 24 йил инсон камолотга етиш даври сингари мамлакат ҳаёти учун ҳам муҳим аҳамиятга эга. Маросимда бундан олдин мамлакат бўйлаб Қозоқ хонлигининг 550 йиллиги ва Буюк Ғалабанинг 70 йиллиги нишонланганлиги Қозоғистон тарихининг туб бурилиши эканлиги айтиб ўтилган.