"Барселона" ҳужумчиси Неймар жароҳатдан тикланиш машқларини ўташда давом этмоқда.

Бразилиялик футболчи жамоа билан бирга клублар ўртасидаги жаҳон чемпионатида иштирок этиш учун Японияга жўнаб кетганди. Аммо у дастлабки машғулотда иштирок этмаган.

23 ёшли ҳужумчи меҳмонхонада қолган ва бассейн ҳамда тренажёр залида бошқа бир жароҳатланган футболчи Дуглас билан бирга машқ қилган. Неймар мусобақа ярим финалида 17 декабрь куни "Гуанчжоу"га қарши ўйнай олмаслиги аниқ. Шу билан биргаликда, каталонияликлар финалга чиққан тақдирда ҳам Неймарнинг майдонга тушиши катта сўроқ остида бўлиб турибди.

Бугун ҳал қилувчи тиббий кўрик ўтказилади. Шундан сўнг, Неймарнинг қачон ўйнай бошлаши ҳақида аниқ хабар қилинади.