Dori-Darmon акционерлик компанияси GM Uzbekistan билан 50 та махсуслаштирилган “Дамас” русумли машина харид қилиш бўйича 1,5 миллиард сўмлик шартнома имзолади. Бу ҳақда компания манбасига асосланиб, Sputnik мухбири хабар қилмоқда.

Дорихона учун зарур асбоб-ускуналар билан жиҳозланган машиналар қишлоқ ва тоғли чекка ҳудадларга тиббий маҳсулотларни етказиб беради.

"Бизнинг “дорихона машина”ларимиз беш йил муқаддам ўз фаолиятини бошлаган. Машиналар тиббий маҳсулотларни қулай етказиб бериш учун махсус мебеллар ва музлаткичлар билан жиҳозланган. Бу дорихоналар маҳаллий ҳокимиятлар билан келишилган графикларда ҳаракатланади. Бугун амалда улар ўзларини оқлашди. Биз бунинг ёрдамида қулай нархларда бориш қийин бўлган ҳудудларга ҳам дори воситаларини етказиб беряпмиз”, – деди компания манбаси.

Маълумот учун, 2015 йилда ушбу “автодорихона”лар қиўлоқ жойларига 4 млрд сўмлик дори ва тиббий воситаларни етказиб берган.