“Ўзкимёсаноат” Даниянинг Intex Engineering, Италиянинг Smet Balestra ва Финляндиянинг Outotec компаниялари билан 2020 йилгача мураккаб ўғитларни ишлаб чиқариш борасида келишиб олди. Бу ҳақда Спутник нашри "Ўзкимёсаноат"даги манбасига асосланиб, хабар берган.

Лойиҳанинг умумий қиймати 500 миллион АҚШ доллари бўлиб, шундан 400 млн доллари хорижий ҳамкорлар томонидан инвестиция қилинади.

Ўзбекистонда 2015 йилнинг ўн ойи давомида 1 миллион тонна ўғит ишлаб чиқилган, шундан 801,6 минг тонна — азот, 117,4 минг тонна — фосфор ва 124,5 минг тонна — калийни ташкил этади.