Ўзбекистон президенти сайловида номзодини илгари суриш учун тўпланадиган имзолар миқдори умумий сайловчилар сонининг 5 фоизидан 1 фоизига қадар қисқартириш режалаштирилмоқда. Бу ҳақда Sputnik агентлиги мамлакатимиз парламентининг қонунчилик (қуйи) палатаси матбуот хизмати хабарига асосланиб хабар бермоқда.

“Мазкур нормаларни ўзгартириш учун қонун лойиҳаси тайёрланди, 2016 йил бошида у парламент депутатлари томонидан кўриб чиқилади”, - маълум қилди матбуот-хизмати.
Парламент вакилининг қайд этишича, энг камида 5 фоиз имзоларни тўплаш бўйича амалдаги тартиб сайлов кампанияси жараёнида сезиларли даражада қийинчиликлар ва манбаларни талаб қилади.

Янги қоидаларнинг жорий этилиши зарур миқдордаги имзолар сонининг 1 миллиондан 200 мингтагача қисқарига олиб келади. Таъкидланишича, мазкур ўзгаришлар Ўзбекистонда президент сайловини мунтазам равишда мониторинг қилиб борувчи ЕХҲТ миссияси тавсиясига биноан амалга оширилмоқда.

Янги қонун лойиҳаси республикада президентлик сайловини ўтказишда “тинчлик куни” — сайловга бир кун қолганда сайловолди ташвиқотини тўхтатиш амалиётини жорий этиш белгиланган. Бугунга қадар “тинчлик куни” республика қонунчилигида фақатгина парламент сайловлари учун белгиланган эди.