Россия президенти Владимир Путин имзолаган янги қонунда “Платон” тизими бўйича йиғимларни тўламаган катта юк машиналарига нисбатан жарималар ҳажми қисқартирилди, деб хабар беради РИА Новости агентлиги.

Даставвал Маъмурия жавобгарлик тўғрисидаги кодексда 450 минг рубль жарима белгиланган эди. Аммо Дума маъқуллаган янги қонунда бу миқдор 5 минг рублга туширилди. Ҳуқуқбузарлик такрорланган тақдирда жарима 10 минг рублга кўтарилади.