Россия президенти Владимир Путин 15 декабрда АҚШ Давлат котиби Жон Керрини қабул қилади. Керри ва Россия ташқи ишлар вазири Сергей Лавров ўзаро музокаралар натижалари ҳақида Путинга маълумот беришади, деб хабар бермоқда Путиннинг матбуот котиби Дмитрий Песковга иқтибос келтирган ҳолда РИА “Новости” ахборот агентлиги. 

Сергей Лавров ва Жон Керри ташриф олдидан телефон орқали суҳбатда Сурия бўйича учрашув ўтказилиши олдидан Суриядаги мухолифат ва террорчилик гуруҳлари рўйхати бўйича келишувга келиш зарурлигини айтиб ўтишганди.