Россия президенти Владимир Путин ялпи ички маҳсулотининг 3 фоизлик дефицити билан 2016 йилги федерал бюджет ҳақидаги қонунни имзолади. Ҳужжат ҳуқуқий маълумот расмий интернет-порталида жойлаштирилди.

Бюджет анъанавий 3 йиллик давр ўрнига фақатгина 2016 йил учунгина қабул қилинди. Янги бюджетга кўра, даромадлар 13,738 трлн рубль, харажатлар эса 16,099 трлн рубль даражасида режалаштирилган. Бюджет дефицити 2,36 трлн рублни ёки ЯИМнинг 3 фоизини ташкил қилади.

Бюджет 6,4 фоиздан кўп бўлмаган инфляция даражаси ва Urals нефть турининг бир баррели нархи йиллик ўртача 50 доллар бўлишини ҳисобга олиб тузилган.

2017 йил 1 январига ички қарзнинг юқори чегараси 8,818 трлн рубль, ташқи қарз 55,1 млрд доллар қилиб белгиланди.

Захира жамғармасининг ҳажми 2016 йил бошига 3,4 трлн рубль, йил охирига 1 трлн рублдан сал кўпроқни ташкил қилиши прогноз қилинмоқда.