Ҳиндистон бош вазири Нарендра Модининг Россияга биринчи давлат ташрифи 23-24 декабрда бўлиб ўтади. Бу ҳақда Россиянинг Ҳиндистондаги элчиси Александр Кадакин маълум қилди.

“Ташриф 23-24 декабрь кунларига белгиланган”, деб айтди Кадакин Нью-Деҳлидаги Россия фан ва маданият марказининг 50 йиллигига бағишланган маросимда ва “ташриф Россия ва Ҳиндистон ўртасидаги икки томонлама ўзаро манфаатли муносабатларга туртки беришини” қўшимча қилди.

Кадакин ташриф пайтида “ҳарбий-техник ҳамкорлик ва атом энергетикаси соҳаларида муҳим қарорлар қабул қилиниши ва гуманитар алоқалар фаоллашишига” умид билдирди. “Буларнинг барчаси Россия-Ҳиндистон алоқаларининг янада ривожланишига кўмак беради”, деб қўшимча қилди Кадакин.