Саудия Арабистони бошчилигида яратилган аксилтеррорчилик коалицияси ўз ҳаракатларини йирик давлатлар ва халқаро ташкилотлар билан келишган ҳолда бирга олиб боради, деб хабар бермоқда Reuters ахборот агентлиги.

Бу ҳақда Саудия Арабистони мудофаа вазири Муҳаммад ибн Салмон Ал-Сауд маълум қилди.

Аввалроқ Саудия Арабистони 34 та давлатдан ташкил топган аксилтеррорчилик мусулмон коалицияси яратилганини маълум қилганди.

Саудия Арабистони SPA агентлиги томонидан чоп этилган баёнотда разил жиноят ҳисобланадиган исталган террорчилик ҳаракати Қуръонда қоралангани яна бир бор таъкидлаб ўтилди.

“Шу тариқа номланишидан қатъи назар, бегуноҳ одамларни қўрқитиш учун бутун дунё бўйлаб қотиллик ва парокандаликни ёяётган барча қуролланган гуруҳлар ва терактлардан миллатни ҳимоя қилиш бурчи бажарилмоқда”, дейилмоқда хабарда.

Таъкидланишича, ислом ҳарбий иттифоқи раҳмдил Аллоҳ номи ила ҳамда тангрининг кўрсатмалари ва шариат қонунлари асосида яратилди.