Тожикистон чегара қўшинларининг Афғонистон билан чегарадаги Ҳамадоний ва Шўрообод отрядларида аскар ва зобитлар яшаши учун янги биноларни фойдаланишга топшириш маросими бўлиб ўтди.

Мамлакат давлат миллий хавфсизлик қўмитаси чегара қўшинлари матбуот котиби Муҳаммад Улуғхўжаевнинг маълум қилишича, Ҳамадоний чегара отряди ҳудудида янги ташкил этилган Кокул ва Темурмалик чегара пунктлари бинолари ҳам фойдаланишга топширилган. Улар замонавий асбоб-ускуна билан жиҳозланган.

Маросимда чиқиш қилган қўмита раҳбари, генерал-лейтенант Саймўмин Ятимов аскар ва зобитларни ватан сарҳадларини ҳимоя қилишда бирдамлик, садоқат ва собитликка чақириб қолди.