Полиция “Милан” жамоаси ходимини клуб формасини ўғирлагани боис қўлга олди.

Жамоа вице президенти Адриано Галлианининг собиқ рафиқасининг акаси Мустафо Медхун 12 йилдан бери жамоада фаолият юритади ва у сўнгги пайтларда ўз хатти-ҳаракатлари билан бошқаларда шубҳа уйғота бошлаган.

Клуб кийиниш хоналарида видеокамералар ўрнатади ва шунда Медхуннинг у ердан спорт кийимлари ва анжомларини ўғирлаётганини фош қилади.

Медхуннинг уйи текширувдан ўтказилганида у ердан юзлаб спорт буюмлари топилган.