“Ўзтемирйўлйўловчи” АЖ ахборот хизматининг хабарига кўра, Тошкент—Самарқанд—Қарши йўналишида қатновчи 762/761-рақамли «Афросиёб» тезюрар поездига техник хизмат кўрсатилиши муносабати билан 16-17-18 декабрь кунларида бу йўналишдаги 3та рейс юқори қулайликдаги вагонларда амалга оширилади. Шу туфайли 762/761-рақамли поезднинг жадвали ўзгаради.

Эслатиб ўтамиз, шу йилнинг 5 сентябридан бошлаб Тошкент—Самарқанд йўналишидаги 760/759-рақамли «Афросиёб» тезюрар поездининг қатнов йўли йўловчиларни ташиш учун Қарши станциясигача узайтирилганди. Шундан бери ҳар куни поезд соат 07:00да Тошкентдан йўлга чиқиб, 500 километрдан ортиқ масофани 3 соату 10 дақиқа давомида босиб ўтган ҳолда Қарши шаҳрига кириб бормоқда.