Париж яқинида жойлашган бино рекорд суммага — 301 миллион долларга сотилди, деб хабар бермоқда Bloomberg. Шато Луи XIV деб номланган бино Яқин шарқлик харидор томонидан сотиб олинган.

Вилла 23 гектар майдонни эгаллаган. У Версаль ва Марли-ле-Руа оралиғида жойлашган. Cogemad қурувчи-компаниясининг маълум қилишича, уни қуришга уч йил вақт сарфланган.

Бинода аквариум, кинотеатр ва шароб сақланадиган ертўла мавжуд. Ҳовлида фаввора қурилган. Келишув Christie’s International Real Estate компанияси иштирокида амалга оширилди. Бундан олдин, 2011 йилда рекорд суммага сотилган бино Лондондаги пентхаус бўлиб, у 221 миллион долларга харид қилинган эди.